Happy Birthday, Fr. Simpol!

Panalangin at pagbati po ng isang maligyang kaarawan! All is well...in Jesus’ name.😇

Ang Ama Natin

"Alam na ng inyong Ama na nasa langit ang inyong kailangan bago pa ninyo ito hingin sa kanya." (Matthew 5:8)

Ang Ama natin ay lubhang mapagbigay. Ipagkakaloob Niya ang sa atin ay alam Niyang makabubuti at ito'y Kanyang binibigyang katuparan sa Kanyang itinakdang panahon. Maaring maantala ang Kanyang kasagutan, pero wala Siyang anak na pinahihindihan.

Mga Pagbasa para sa Araw ng 

Martes, March 3

1st Week, Lenten Season

Isaias 55:10-11

Psalm 34

Matthew 6:7-15

📷InternetPhoto

📝revjeffcoz

Paano Ang Kapwa?

"Ibigin mo ang iyong kapwa gaya ng pag-ibig mo sa iyong sarili." (Leviticus 19:18)

[Isang gasgas na kwento] Nang halos lahat nga mga kabataan ay nakapaghayag na ng kanilang gusto paglaki at tumumbok sa iisang layunin -- ang tumulong sa kapwa -- isang bata ang naglakas loob magbahagi, "Gusto kong maging kapwa...para tiba-tiba."

"Ibigin mo ang iyong kapwa gaya ng pag-ibig mo sa iyong sarili."

Pero sa ngayon, tiba-tiba pa rin nga ba ang kapwa? Iniibig pa rin ba natin sila tulad ng ating pag-ibig sa ating sarili? O ang lahat ay natutuon na lang sa sarili at nagiging makasarili?

Nananahan si Hesus sa ating kapwa. Pagkakaitan ba natin Siya ng panahon, tulong at pagmamahal kung Siya ay nararamtan ng kahirapan, sakit, at pagkaulila?

Mga Pagbasa para sa Araw ng

Lunes, March 2

1st Week, Lenten Season

Leviticus 19:1-2,11-18

Psalm 19

Matthew 25:31-46

📷InternetPhoto

📝revjeffcoz

SCP Mansalay: Parish Pastoral Planning 2020

Sa pagpupulong ng PAPASCO, PAFINCO, PAMPASCO OFFICERS, kasama ang iba pang Religious Organizations and Associations, buhay na ipinadama ng Sta. Catalina Parish, Mansalay ang pagkakaisa ng mga pamilya at pamayanan ng mananampalataya na nagtatapong, nagmamahal, naglilingkod sa Diyos at kapwa at nagsasabuhay ng Kanyang Salita.

📷📝StaCatalinaParishMansalayFBPage

Mahal na Araw 2020: Paghahanda ng Parokya ng Mahal na Puso

Bilang paghahanda sa nalalapit na pagdiriwang ng Mahal na Araw 2020, nagdaos ng pagpupulong ang pamunuan ng Sacred Heart Parish, Gloria. 

Kasama ng Kura Paroko na si Fr. Bobby Villaluna at Rev. Jeff Coz, dalangin ng mga kabahagi ng PAPASCO at PAFINCO ang isang makabuluhan at banal na pagdiriwang ng mga Mahal na Araw.

Hapag Eukaristiya at Kabataan ng Hapag

Patuloy ang pagsasailalim ng AVC Youth Core Team sa masinsinang paghuhubog upang higit pang makapaglaan ng sarili para sa paglilingkod sa Diyos at sa Simbahan.

Sa araw na ito, sama-sama nilang pinagnilayan at higit pang pinalalim ang pagkakaunawa sa Banal na Eukaristiya. 

Maging daan nawa ito upang higit na mapag-alab ang pananabik ng mga Kabataan ng Hapag sa Eukaristiya. 

📷📝revjeffcoz

Anak Tayo ng Diyos

“Kung ikaw ang Anak ng Diyos!”

Sa Ebanghelyo ay makailang ulit itong binanggit ng diyablo nang tatlong beses niyang tuksuhin si Hesus. 

“Kung ikaw ang Anak ng Diyos!”

Sa pagbabanggit nito ng diyablo ipinapakitang maging siya ay kumukilalang sa Hesus ay Diyos — ang pagkakaiba nga lamang ay pinili ng diyablong tumalikod sa Kanya.

“Kung ikaw ang Anak ng Diyos!”

Sa panahong ito ng Kuwaresma, apatnapung araw tayong maghahanda at magpapanibago ng sarili. Nalalapit na ang Pasko ng Pagkabuhay. Nalalapit na rin ang ating pagpapanariwa sa Binyag kung saan ay naituring tayo bilang mga anak ng Diyos. 

“Kung ikaw ang anak ng Diyos!”

Maging maingat tayo sa panahong ito ng paghahanda at pagpapanibago ng sarili. And demonyo ay tila ahas na nakaambang upang tayo ay siluin. Magdo-double time siya.

“Kung ikaw ang anak ng Diyos!”

Subalit sa ating pagkatakot magtiwalang kaya nating gapiin ang tukso. Higit na makapangyarihan ang Diyos. Sa pusong nagbabalik-loob hindi magkukulang ang grasya ng pagpapanibagong kaloob. 

Sapagkat tayo ay mga anak ng Diyos!

Mga Pagbasa para sa Araw ng

Linggo, March 1

1st Week, Lenten Season

Genesis 2:7-9,3:1-7

Psalm 51

Romans 5:12-19

Matthew 4:1-11

📷Unsplash

📝revjeffcoz 

Magbalik-loob

“Hindi ako pumarito para tawagin ang mga mabubuti kundi ang mga makasalanan tungo sa pagbabalik-loob.” (Luke 5:32)

Magpapakipot pa ba tayo? Kapag si Hesus na ang nanuyo, aayaw at magpaptumpik-tumpik pa rin ba tayo?

Si Hesus na ang unang nagmahal...Siya pa rin ang unang sinaktan. Subalit lahat ng ito’y hindi naging hadlang upang Siya’y patuloy na magmahal. Siya pa rin ang patuloy na nauunang lumapit upang ihayag ang kanyang kagustuhang magbalik tayo sa Kanya. Oo nga’t hindi tayo karapat-dapat pero pinatutunayan Niya na ang pag-ibig Niya’y para sa lahat. 

Mga Pagbasa para sa Araw ng

Sabado, February 29

Lenten Season

Isaiah 58:9-14

Psalm 86

Luke 5:27-32

📷internetphoto

📝revjeffcoz

Pusong Natatakam Magmahal

"Ganyan ba ang pag-aayunong aking kaluluguran?" (Isaiah 58:5)

Saan tayo dinadala ng ating pag-aayuno at masidhing pagtitimpi ng sarili? 

Kung ang pagtalima sa mga gampaning ito ay dahil lamang sa mga kadahilanang napapanahon at nauuso, kaluluguran ba ng Diyos ang pagkalam ng ating tiyan?

Sana ang ginagawa nating pagtitiis ay makapukaw sa ating mga puso upang magising sa tunay na pakiramdam ng mga kapatid nating higit na nanganagilangan. Hayaan nating ang ating mga puso ay siyang higit na manabik at tunay na maghanap ng pagkakataong magmahal.

Mga Pagbasa para sa Araw ng

Biyernes, February 28

Lenten Season

Isaias 59:1-9

Psalm 51

Matthew 9:14-15

📷Unsplash

📝revjeffcoz

Pag-ibig, Pakikinig, Katapatan

"Ibigin ninyo ang Panginoon, makinig sa Kanyang tinig at manatiling tapat sa Kanya." (Deuteronomy 3:20)

Hanap mo ba ay daan tungo sa puso ng iyong sinisinta? 

Maging 'yan man ay patungo sa Diyos, sa iyong mga magulang, kapatid, kapamilya o special someone...tatlong bagay ang kaloob ng Unang Pagbasa. Kung gusto mo ng forever, matutong tunay na umibig, makinig at maging tapat. 

Mga Pagbasa para sa araw ng

Huwebes, February 27

Lenten Season

Deuteronomy 30:15-20

Psalm 39

Luke 9:22-25

📷Unsplash|SteveYang

📝revjeffcoz

Sabi ni Hesus: Back, Pri!

“Mataimtim kayong magsisi at manumbalik sa akin, kayo’y mag-ayuno, manangis at magdalamhati.” (Joel 2:12)

Bawat isa sa atin ay sugatan — dahil sa ating mga kahinaan, pagkakamali, kahirapan, pagkukulang o kasalanan. Subalit sa sandaling ito, malinaw ang imbitasyon sa atin ni Hesus bilang kaibigan, “Back, Pri.”

Ang araw na ito, Miyerkules ng Abo, ay pasimula ng ating paglalakbay ng pag-uwi. Uuwi tayo sa Ama upang magbalik-loob. Ang ating pagsisisi, pag-aayuno, pagtangis, pagdadalamhati at paggawa ng mabuti ay ang daang tatahakin natin sa panunumbalik sa Diyos. 

Mga Pagbasa para sa Araw ng

Miyerkules, February 26

Ash Wednesday, Lenten Season

Joel 2:12-18

Psalm 51

2 Corinthians 5:20-6:2

Matthew 6:1-6,16-18

📷internetphoto

📝revjeffcoz

Hapi na, 50 pa!

Happy 50th Birthday po, Fr. Edwin! 🎂

Salamat sa patuloy na pagiging biyaya sa Hapag ng Pamilyang Mindoreño. Patuloy nawa kayong maging masigasig at maligayang Alagad ng Hapag. 

Isang Hakbang Papalapit

“Lumapit kayo sa Diyos at lalapitan niya kayo.” (James 4:8)

Kumusta ang ating ugnayan kay Hesus? Higit ba tayong napapalapit sa Kanya? O sa kabila ng mga himalang ginagawa Niya sa ating buhay ay nakabibitaw pa rin tayo at nawawalay sa Kanyang presensya?

Nakakadala man kung ating pakakaisipin ang nagagawa nating pagtalikod sa Kanya, hindi pa rin tayo nililimot ng Diyos. Tulad ng ginawa niya sa mga alagad, patuloy pa rin Niya tayong tatanggapin at tuturuan ng paulit-ulit upang huwag mawalay sa Kanya. 

Isang HAKBANG lang papalapit sa Kanya ang ngayon ay hinihingi Niya. At may katiyakang magiliw at paTAKBO na Niya tayong sasalubungin.

Mga Pagbasa para sa Araw ng

Martes, February 25

7th Week, Ordinary Time

James 4:1-10

Psalm 55

Mark 9:30-37

📷Unsplash|LucasBornhauser

📝revjeffcoz

Miyerkules ng Abo

Miyerkules ng Abo na naman. Ito ang hudyat ng pasimula ng Panahon ng Kuwaresma — ang apatnapung araw at gabi ng pagpapanibago ng sarili kalakip ng paghahanda para sa pagsapit ng ating maluwalhating pagdiriwang ng Misteryo Paschal o and dakilang paggunita sa pagpapakasakit, kamatayan at tagumpay ng muling pagkabuhay ng Panginoong Hesukristo na tanda ng ating kaligtasan. Dahil unang araw ito ng Kuwaresma, sana simulan natin ng tama ang panimulang araw na ito. 

Una, lubhang kilala ang araw na ito dahil sa paglalagay ng abo sa ating mga ulo. Dito ay ipinapaalalang, “Abo ang iyong pinagmulan at abo rin sa wakas ang iyong babalikan.” Ito ay tuwirang paglalahad na ang panahong ito ay laan upang maghari ang diwa ng panunumbalik o pagbabalik-loob. Sa Unang Pagbasa sa araw ng Miyerkules, tahasan ang paalala ni propeta Joel, “Sinabi ng Panginoon: Mataimtim kayong magsisi at manumbalik sa Akin”; at Ikalawang Pagbasa sa araw ding nabanggit ay ipinamamanhik naman ni San Pablo na sa panahong ito nawa ay “makipagkasundo kayo sa Diyos.” Kaya naman maging hudyat nawa ang araw na ito ng ating malalim na kagustuhan na tunay na umuwi sa Ama at bumalik sa Kanyang yakap sa pamamagitan ng pag-amin sa ating karumihan, paghingi ng kapatawaran, at tunay na magbagong buhay upang sa pagsapit ng Pasko ng Pagkabuhay higit tayong maging karapat-dapat sa Kanyang harapan. Isabuhay natin ang sinasambit habang nilalagyan tayo ng abo: “Magbagong-buhay at sa Mabuting Balita sumampalataya.”

Ikalawa, sa araw na ito ang lahat nang nasa edad 18 hanggang 60 ay nararapat na mag-ayuno. Inaasahan din ang hindi pagkain ng karne sa araw na ito. Bakit? #Tiis-Alay. [1] Bahagi ng pag-aayuno ang pagtiTIIS — nagtitiis bilang bahagi ng pagtitika, pagsisisi at pagbabalik-loob; nagtitiis bilang pakikibahagi rin sa paghihirap ni Kristo. [2] At dahilan rin ng pag-aayuno ang pag-aALAY. Ang ating tiniis ay may kinauukulang pag-aalayan. Kaya ang halaga sana nating hindi nagastos sa pagkain ay magamit natin sa pagtapong at pagtulong sa mga higit na nangangailangan. Kulang ang sakripisyo kung walang paghahandugan. Kapos ang pagkakaloob kung walang nadama at naranasang pagtitiis sa kalooban.

Panghuli, ang araw na ito at ang buong Kuwaresma ay panahon ng pananalangin. Isa sa mga pinakamabisang paraan ng pakikipag-ayos at pakikipagkasundo ay ang pakikipag-usap. Ito ang ating karanasan sa ating kapwa. Kapag may nasirang relasyon, malabong magkaroon ng pagpapatawaran kung walang nagaganap na maayos na pag-uusap. Ganito rin sa ating relasyon sa Diyos. Mahalagang susi sa pagbabalik-loob sa Kanya ang malalimang ugnayan at pakikipag-usap sa Kanya sa pamamagitan ng pananalangin. 

Pagpalain kayo ng Maykapal at maging madiwa nawa ang magiging panahon natin ng paghahanda at pagbabalik-loob ngayon Panahon ng Kuwaresma.

📷internetphoto

📝revjeffcoz

Mananalig at Patuloy na Kakapit

Kakayanin ba natin? Malalampasan pa kaya ang malalaking suliranin? Mapapagtagumpayan pa ba ang mabibigat na pasanin?

Kakayanin! Subalit hindi sa pamamagitin ng sarili nating kakayahan bagkus ay sa kapangyarihan ng Maykapal. Kaya patuloy na manalig. Lahat ay posible. Kung naninimdim na ang pagtitiwala...ipanalanging palakasin ng Diyos ang ating pananampalataya. 

Mga Pagbasa para sa Araw ng

Lunes, February 24

7th Week, Ordinary Time

James 3:13-18

Psalm 19

Mark 9:14-29

📷Unsplash

✏️revjeffcoz

SPCMA Youth Get Together

“Youth Ministry is an opportunity to journey together.” -Pope Francis

Minamahal ng Diyos ang mga kabataan; sila’y kagalakan ng Simbahan. 

Ito ang ngayong gabi ay ipinadama ng San Pedro Calungsod Mission Area, Katwiran 2, Baco, Or. Mdo. sa mga kabataan. Isang natatanging gabi ng kasiyahan at pagsasalo sa hapag ng galak ng pananampalataya ang sa kanila ay inihandog. 

Nawa’y sa tulong nito ay patuloy pang mag-alab ang sigasig ng mga kabataan na iparamdam ang kanilang buhay at makulay na presensya sa Simbahan. 

Hanggang Saan Mo Kayang Magmahal?

“Pinasisikat ng Diyos ang araw sa masasama at mabubuti, at pinapapatak Niya ang ulan sa mga banal at sa mga makasalanan.” -Matthew 5:45

Hanggang saan mo kayang magmahal? Sinu-sino ang kaya mong ibigin at tanggapin? Namimili ba ang iyong puso at pilit nang nilalayuan at iniiwasan ang mga kinadalaan? At kung wala ng kapalit na bumabalik bagkus ang dumarating ay tanging hapdi at sakit, mangangahas ka pa rin bang umibig?

Tinuruan tayo ng Diyos na umibig upang lumago at mabatid sa sarili na kaya nating umigpaw sa pamantayan ng mundo. Binigyan tayo ng kakayahang magmahal upang — katulad ni Hesus — ay maipakitang kaya nating yakapin ang sinuman kahit na may kalakip na bigat ng krus. Masasaktan...mabibigo...at maaari ring walang matatamo subalit hindi hihinto ang pagtibok ng puso. 

Kung papaanong sa Krus ay ipinakita at ipinadama sa atin ni Hesus ang totoong pagmamahal — pag-ibig na walang pinipili at para sa lahat — sana all kaya rin nating tanggapin at pakamahalin. 

Mga Pagbasa para sa araw ng

Linggo, February 23

7th Week, Ordinary Time

Leviticus 19:1-2,17-18

Psalm 102

1 Corinthians 3:16-23

Matthew 5:38-48

📷unsplash||NijwamSwargiary

✏️RevJeffCoz

Hinirang at Pinili

Makailang ulit na nating napakinggan ang loobin ng Diyos na sa Kanya tayo ay magpaakay. Subalit maliban dito, hangad rin Niya na ang bawat isa sa atin ay makapag-akay din ng kapwa — hindi lamang sa pamamagitan ng matatalinhagang payo at makabuluhang turo bagkus higit sa lahat ay sa pamamagitin ng mabuting halimbawa.

Bawat isa ay may kahinaan. Bawat isa ay may kapintasan. Subalit hindi ito makapipigil sa Diyos upang ang bawat isa ay hirangin, piliin at tawagin na maging mabuting tagaakay ng kapwa tungo sa kabutihan at kabanalan

Mga Pagbasa para sa Araw ng

Sabado, February 22

6th Week, Ordinary Time

1 Peter 5:1-4

Psalm 23

Matthew 16:13-19

📷Unsplash

✏️Rev. Jeff Coz

KAISAHAN 2020

Noong taong 2018, isinagawa sa Saint Augustine Major Seminary (SASMA), Tagaytay ang kauna-unahang KAISAHAN — ang pagsasama-sama ng mga Paring-Tagahubog at mga seminarista ng Saint Augustine Seminary (SAS), Saint Augustine House of Spirituality (SAHSpi) at SASMA — na naglalayong palalimin ang pagiging ISA at BUO ng seminaryo ng Apostoliko Bikaryato ng Calapan. 

Sa taong ito, sa temang #OneInThree: One Call, One Goal, One Seminary, gaganapin ang ikalawang KAISAHAN gathering sa SAS simula February 21 hanggang Feb. 23.  

Layunin pa rin ng pagtitipon na palakasin ang diwa ng pagkakapatiran at pagiging pamilya ng mga Paring-Tagahubog at mga seminarista — ngayon sa tulong ng SPORTS. Itoy bahagi ng pagtugon sa panukala ng bagong Ratio Fundamentalis na nagsasabing: “Priests and seminarians should dedicate time to physical exercise and sports to attain the solid physical, psycho-affective and social maturity required of a pastor.”

Ipinaabot ng buong Apostoliko Bikaryato ng Calapan ang panalangin at suporta para sa ikapagtatagumpay ng pagtitipong ito. 

Drawing Ka Ba?

Awit sa mga tropa mong “drawing.” Pero sana kapag usapin na nang bunga ng pananampalataya, dapat wala ng “drawing.” Dahil kapag tunay na nananalig, hindi drawing kapag umiibig!🤪

“Patay ang pananampalatayang walang kalakip na gawa.” -James 2:17

Kaya naman galaw-galaw din sana kapag may time.😝 Hindi sapat ang pananampalatayang basta lang nakanganga at nakatingala. Ito rin ang panawagan ni Hesus sa ating Ebanghelyo: sa sinumang nagnanais na sumunod, ibig ni Hesus makita ang pagkilos — [1] limutin ang sarili, [2] pasanin ang krus, at [3] sumunod sa Kanya. (See Mark 8:34)

Mga Pagbasa para sa Araw ng

Biyernes, February 21

6th Week, Ordinary Time

▪️James 2:14-24,26

▪️Psalm 112

▪️Mark 8:34-9:1

📷Unsplash

✏️Rev. Jeff Coz

Paanyaya para sa Pagbisita ng Relic ni Padre Pio sa Padre Pio Mission Area, Malamig, Calapan City

Tara! Kita-kitz tayo upang salubungin at sama-samang danasin ang mapagpagaling na presensya ng Relic ni San Padre Pio!

Sa March 6-8 ay mamalagi ang Relic ni San Padre Pio sa Padre Pio Mission Area, Brgy. Malamig, Calapan City. Ang relic ay magmumula sa National Shrine of Padre Pio, Sto. Tomas, Batangas. Inaanyayahan ang mga mananampalataya ng Apostoliko Bikaryato ng Calapan at ang lahat ng nagnanais makibahagi sa tatlong araw na ito ng mga banal na gawain ng pananalangin, pagpapasalamat, at pagpapagaling.

Narito ang hanay ng mga banal na gawain sa nasabing tatlong araw na pamamalagi ng Relic ni Padre Pio:

March 6, BIYERNES

4:00 p.m. — Pagsalubong sa Calapan Pier

5:30 p.m. — Pagnonobena sa Kamahal-mahalang Puso ni Hesus

6:00 p.m. — Banal na Misa at Benerasyon

March 7, SABADO

8:00 a.m. — Pagdadasal ng Sto. Rosario

8:30 a.m. — Banal na Misa at Benerasyon

5:00 p.m. — Banal na Misa at Pagpapagaling

7:00 p.m. — Mga Panalangin ni Padre Pio

March 8, LINGGO

6:30 a.m. — Banal na Misa

8:30 a.m. — Banal na Misa

10:00 a.m. — Estasyon ng Krus at Benerasyon

2:00 p.m. — Banal na Misa ng Pamamaalam

3:30 p.m. — Paghahatid sa Calapan Pier

Para sa inyong mga katanungan, maaaring mag-text o tumawag sa 0918-924-6435.

Pagpalain po tayo ng Panginoon.😇

Ang Tunay na Famous

Mga pagbasa at pagninilay para sa araw ng

Huwebes, February 20

6th Week, Ordinary Time

James 2:1-9

Psalm 34

Mark 8:27-33

“Habang sila’y naglalakbay, tinanong niya ang kanyang mga alagad, ‘Ano ang sinasabi ng mga tao tungkol sa akin?’” -Mark 8:27

(Maikling Pagninilay)

Lumalalim ba ang ating pagkakakilala kay Hesus? At gaano natin Siya kinapapanabikan na higit na kilalanin?

Kapag may sikat na personalidad na dumadating sa ating ating lugar, tayo ay nakikiusisa...sumasagap ng impormasyon kung sino ba ito. 

Si Hesus ay higit pa sa mga personalidad na ito. Siya ang tunay na #FAMOUS. Sana ay higit ang pagkakakilala natin sa Kanya. Stalker sana tayo Niya. Isinusuot sana natin ang brand niya. Masuyong tagasunod at kaibigan nawa tayo Niya. 

📷pinterest

✏️rev. jeff

Hindi Na Uulit

“Pinauwi ni Hesus ang lalaking pinagaling sa pagsasabing, ‘Huwag ka nang babalik sa nayon.’” -Mark 8:26

One of the origins of spiritual debility is too much time in the ‘village.’ Jesus the healer and judge has to lead us blind people out of the city and give us sight—and then strictly enjoin us not to return to the blinding ways of the village.

We unfortunate village dwellers must, through the power of Christ, put on the mind of Christ. And then we must live in a new town, the community of love and justice that is the Church. It is this city of vision that effectively challenges (and judges) the enduring power of the blinding society.

(Daily Gospel Reflections from Bishop Robert Barron)

Happy Birthday, Fr. Ness

Panalangin at pagbati ng ika-65 taon ng kaarawan ang ipinapaabot ng mga mananampalataya ng buong Apostoliko Bikaryato ng Calapan kay Very Rev. Fr. Nestor J. Adalia, ang ngayon ay tumatayo bilang Apostolic Administrator ng buong Bikaryato.  Ipinababatid din ng buong Bikaryato ang kanilang pasasalamat para sa patuloy niyang paglalaan at paghahandog ng sarili para sa Hapag ng Diyos.

Sa Panahon ng Diyos

Mga pagbasa at pagninilay para sa araw ng
Miyerkules, February 19
6th Week, Ordinary Time

James 1:19-27
Psalm 15
Mark 8:22-26

“Tinanong ni Hesus ang lalaking bulag, ‘May nakikita ka na ba?’ Tumingin ang lalaki at sumagot, ‘Nakakakita po ako ng mga tao, ngunit para silang mga punongkahoy na naglalakad.’”
(Maikling Pagninilay)

Ang pagbabago at pagbabalik-loob ay biyaya ng Diyos. Kung aasa lamang tayo sa ating sariling kakayahan, palagi tayong kakapusin. Sapagkat lahat ay imposible kung hiwalay sa Diyos.

Subalit may mga pagkakataong napapatanong tayo, “Mukhang nahihirapan ang Diyos na baguhin ako? Tila natatagalan? Kaya pa ba Niya?”

Maaaring natatagalan ang panunumbalik ng ating mga paningin. Subalit alalahaning hindi ito nangangahulugang nangangayaw na sa atin ang Diyos. Nagkakaroon ng pagkaantala sapagkat unti-unti...mahinay...at maingat Niyang pinanauli ang minsan nang nalamatan nating orihinal na ganda.

Huwag kainipan ang sarili. Huwag mawawalan ng pag-asa sa Diyos. Magliliwanag rin ang paligid sa pusong hangad magpakabuti at nagtitiwala sa Diyos.